Konsert: Malmin med Åshild Vetrhus

Malmin spelar folkemusikk frå Suldal og Bjerkreim i Rogaland og i mars kjem dei med det fyrste albumet på den nystarta folkemusikklabelen KRETS.

Duoen, Malmin, består av dei to erfarne musikarane Olav Christer Rossebø og Anders Sundsteigen Hana. Med seg på den nye plata og på sleppturné har dei kvedar, Åshild Vetrhus frå Suldal. Som duo hadde Malmin hovudfokus på dansemusikken. Med Åshild på laget, har den musikalske horisonten blitt utvida og inkluderer no og den religiøse folkemusikken. Trioen har, med utgangspunkt i arkivopptak, latt seg inspirere av den gamle tonekjensla. Rossebø og Hana trakterer mikrotonale instrument og saman med Åshild manar dei fram dei gamle tonane.