Eit bur som ventar på ein fugl

Novella er romanens slanke fetter. Ingen bryr seg om novella. Ein novelleforfattar er ein som øver seg på å skrive roman. Ein novellelesar er ein skuleelev som må leite etter verkemiddel i ei novelle frå femtitalet. Ei novellesamling er ei bok som marknaden erklærer stein død bare ved å sjå åtte bokstavar på omslagssida: N-O-V-E-L-L-E-R. Det er heller ingen som kan definere kva ei novelle er. Men fortvil ikkje, her kjem Frode Grytten til Haugesund bibliotek for å rydde opp i novellekaoset. Hans føredrag er eit entusiastisk og humoristisk forsvar for novellesjangeren. Grytten forelska seg i novella som ung mann, og som aldrande mann er han stadig like forelska. Ja, som han seier i føredraget: Mens romanen er eit humørlaust ekteskap, er novella ei heftig kjærleikshistorie.

Novellefestivalen arrangeres med tilskot frå Haugesund Mållag og Norsk Kulturråd.