17-årige Harald frå Sommarli skal skrive særoppgåve i norsk. Han vil gjerne yte sitt beste i oppgåva om den gåverike oldefaren av ein særskild årsak: Den unge norsklæraren Ingeliv, som han er grenselaust forelska i. Vandringa i tid for å finne liv til stoffet i oppgåva fører til mykje gransking, og han finn ut at oldefaren si historie på fleire vis likna hans eige. Gjennom alt dette forstår han meir av seg sjølv og sine eigne kjensler for Ingeliv. Og han skjønar at menneske til alle tider har hatt vanskelege og forunderlege kjensler når dei opplever si erotiske oppvakning. Johannes Heggland har gjeve ut nær 60 skjønnlitterære bøker. Fem gonger har han fått Kyrkje- og undervisningsdepartementet sin pris for barne- og ungdomslitteratur. Nyn. 198 s. Ib. 2003.
