«Kva er ei bok?» tar for seg norsk kunstnarillustrert skjønnlitteratur etter årtusenskiftet, i ei jakt etter kvalitet og eventuell nyskaping. Boka har vore det viktigaste mediet for både lagring og formidling av litteratur og kunnskap i to tusen år. Men i løpet av dei siste tiåra har dette endra seg på mange måtar. Digital teknologi og verdsveven grip stadig meir om seg. Kva skjer med den illustrerte skjønnlitteraturen i ein slik pressa situasjon? Og kva for spesielle eigenskapar har papirboka? Bruken av teikneserie i romanar og biografiar er via ein del plass i boka. Forfattaren nøstar òg opp historia til kunstnarboka (artists’ books). Vilborg S. Hovet har tidlegare gitt ut «Den illustrerte boka: Historia om norsk bokillustrasjon» (2011). Omtalen er utarbeidd av BS.
