Gjennom heile andre verdskrigen var tyske og austerrikske kunstnarar i uniform engasjerte i å lage teikningar, akvarellar og måleri med norske motiv. Dei blei masseproduserte for mellom anna postkort og bøker. Målgruppa var eit tysk publikum –okkupantane sende postkort eller fine kunstmapper heim til sine nære. Men reproduksjonane var også til sals i Tyskland. Dette er ein del av tysk propagandaverksemd som har vore lite snakka om, og få kjenner materialet. Forfattaren Einar Økland har den mest fullstendige og unike samlinga ein kjenner til. Med nesten 150 illustrasjonar i utval gir han her eit oversyn over kva som blei publisert, og kven utgivarane og kunstnarane var. Reproduksjonane har for det meste nøytrale og fredelege motiv, gjerne landskapsskildringar. Omtalen er utarbeidd av BS.
