Oddvar Torsheim er nasjonalt kjend som kunstnar, men Vestlandet har ein særskild plass i hjartet hans. I 2018 fyller han 80 år, og denne kunstnarbiografien utkomer i høve jubileet, som ein av to bøker. Denne boka er ei reise gjennom livet og kunsten hans. Torsheim er kjend for sin samfunnskritiske og morosame strek. Gjennom teikning og trykk har han skildra miljøvern, politikk, kjønnsroller og motsetnader mellom by og bygd, natur og teknologi. Torsheim er òg skatta høgt for sitt feministiske blikk på kvinner og kampane dei kjempar, noko som kjem til uttrykk i ein stor del av produksjonen. Bileta hans beskrivast som frekke, surrealistiske og uærbødige. Omtalen er utarbeidd av BS.
