Det er siste laurdagen i månaden. Hannes kom heim til Falköping dagen før etter eit mislykka opphald i Stockholm. Kristian døyver sorga etter farens død med å ete til det gjer vondt. Frippe held alle svika for seg sjølv, både sine eigne og dei andre sine. Og Stig, han held berre kjeft. I kveld skal dei drikke seg like fulle og prate om dei same meiningslause tinga som laurdagen før. I morgon kjem ingenting til å vere det same. Ronnie Sandahls debutroman fekk mykje omtale i Sverige. Det er både ei hard og romantisk skildring om å vere ung i ein småby.
